«ЖАҢА ҚАЗАҚСТАН: МЕМЛЕКЕТ ЖҮЙЕСІНІҢ ҚҰҚЫҚТЫҚ, ЭКОНОМИКАЛЫҚ ЖӘНЕ ӘЛЕУМЕТТІК ДАМУЫНЫҢ ӨЗЕКТІ ТЕНДЕНЦИЯЛАРЫ» атты Халықаралық ғылыми-практикалық конференция

Өтетін күні: 2023-04-07

Мақалаларды қабылдау: 2023-03-17 23:59:00

Конференцияның сипаттамасы:

«Торайғыров университеті» КЕАҚ және Ресей Федерациясының Президент жанындағы ХШРАММҚ филиалы – Сібір басқару институты

«ЖАҢА ҚАЗАҚСТАН: МЕМЛЕКЕТ ЖҮЙЕСІНІҢ ҚҰҚЫҚТЫҚ, ЭКОНОМИКАЛЫҚ ЖӘНЕ ӘЛЕУМЕТТІК ДАМУЫНЫҢ ӨЗЕКТІ ТЕНДЕНЦИЯЛАРЫ»

атты Халықаралық ғылыми-практикалық конференциясына қатысуға шақырады

07 сәуір 2023 жыл

Конференция жұмысына қазақстандық және шетелдік жетекші заң жоғары оқу орындарының, ғылыми орталықтардың, әртүрлі деңгейдегі сот, заң шығарушы, атқарушы биліктің өкілдері қатысады. Конференция конституциялық, әкімшілік, қылмыстық, азаматтық, әлеуметтік, еңбек, экологиялық құқық және өзге де құқық салаларының өзекті мәселелеріне, сондай-ақ Қазақстанның жаңа жағдайдағы әлеуметтік-экономикалық даму мәселелеріне арналады. Қазіргі кездегі ұлттық және халықаралық және өзге де салалық бағыттардың әртүрлі аспектілерінің мәселелерін талқылау жоспарланып отыр.

Конференция аясында келесі бағыттар бойынша өзекті мәселелерді талқылау үшін пікірталас алаңдарының жұмысы ұсынылады:

1 дискуссиялық алаң: Қазақстанның конституциялық эволюциясы қоғамның және мемлекеттің әлеуметтік-экономикалық саясатының одан әрі дамуының негізі ретінде

2 дискуссиялық алаң: Қазақстан Республикасының 2030 жылға дейінгі құқықтық саясат тұжырымдамасы аясында ұлттық құқықты дамытудың негізгі бағыттары

3 дискуссиялық алаң: Сот билігін жетілдіру және адам құқықтарын қорғау - жаңа конституциялық-құқықтық кеңістіктегі демократиялық өзгерістердің негізі

Секциялық отырыстарға қатысу үшін тіркелу (2023 жылдың 17 наурызына дейін): https://forms.gle/n9Cd65dTmWvkKeWX8

Конференцияның қорытындысы бойынша ғылыми мақалалардың жинағы электронды форматта (PDF) жарияланады, конференция қатысушыларына электронды сертификат беріледі.

Материалдарды ұсыну мерзімі: 2023 жылдың 17 наурызына дейін (қоса алғанда) ТЕК www.sci-conf.tou.edu.kz сайт арқылы.

Көрсетілген МЕРЗІМНЕН КЕШ ЖІБЕРІЛГЕН және ЭЛЕКТРОНДЫҚ ПОШТАҒА жіберілген мақалалар ҚАБЫЛДАНБАЙДЫ!

Өткізу орны: «Торайғыров университеті» КЕАҚ, Павлодар қ., 64 Ломов көшесі, БОҒ.

Өткізу форматы: оффлайн.

МАҚАЛАЛАРҒА ҚОЙЫЛАТЫН ТАЛАПТАР

1. Конференцияның жұмыс тілдері: қазақ, орыс, ағылшын.
2. 1 (бір) мақаланы жариялау құны – 3 000 ТЕҢГЕ (электрондық жинақ). Төлем мақаланы ЖАУАПТЫ ХАТШЫ ҚАБЫЛДАҒАННАН КЕЙІН ҒАНА төленеді. Егер жарияланымнан бас тартылса, қаражат ҚАЙТАРЫЛМАЙДЫ. Мақаланы жариялау құны туралы толығырақ www.sci-conf.tou.edu.kz сайтында.
3. Мақала көлемі: Times New Roman қарпімен (12-кегль) 3-5 бет. Мақалаларды рәсімдеуге қойылатын талаптармен және Мақаланы рәсімдеу үлгісімен толығырақ www.sci-conf.tou.edu.kz сайттағы "Авторларға" бөлімінде танысуға болады.
4. Мақаланың өзіндік ерекшелігі кемінде 60% болуы керек. Тексеруді antiplagiat.ru, exactus.ru немесе басқа тегін сервистер арқылы жүзеге асыруға болады. Плагиатқа тексеруден өту туралы анықтама JPG (скриншот) немесе PDF форматтарында қабылданады, анықтамада мақаланың/автордың атауы анық көрінуі керек. Талаптарға сай келмейтін анықтамалар қабылданбайды.
5. Бір автордың (авторлардың) мақалалар саны шектелмейді.
6. Бір мақалада бес автордан артық болмау керек.
7. Ғылыми мақала конференция тақырыбына сәйкес болуы, түпнұсқа, өзекті болуы, ғылыми жаңалығы, болжамдардың негізділігі болуы, емле, пунктуация ережелері мен төменде көрсетілген ресімдеу талаптарына сәйкес болуы тиіс.
8. Жауапты хатшы тіркеу ережелеріне, секция тақырыбына сәйкес келмейтін материалдарды қайтаруға немесе қабылдамауға құқылы.